Košarkaši Crne Gore nisu sinoć iskoristili prvu meč-loptu za odlazak na Mundobasket – “crveni” su poraženi od Bosne i Hercegovine 74:66, pa će u nedjelju, protiv Češke u “Morači” pokušati da izbore vizu za svetsku smotru.
“Dali smo sve od sebe – bila je tvrda utakmica, BiH je igrala vrhunski, mi nismo imali sreće, neke skokove nismo kontrolisali i kaznili su nas. Nijanse su odlučile. Igrali smo baš dobru utakmicu. Nekoliko puta smo izašli iz našeg plana, ubrzali igru, izgubili lopte, pa su nas kaznili kontrama. Znali smo da je to njihovo najjače oružje, ali šta je – tu je. Saigračima ništa ne zamjeram, svi su dali sve od sebe“, kazao je nakon meča Nemanja Radović.
“Imamo još jednu šansu – da se skupimo i odigramo dobro utakmicu sa Češkom. Oni dolaze bez pritiska, rasterećeni, a mi smo pod pritiskom. Neće biti lako. Imamo dosta mladih igrača i moramo spriječiti da taj pritisak uđe u svlačionicu, da se pripremimo mentalno i da se plasiramo na Mundobasket. Nadam se da će doći publika u velikom broju da nas podrži da još jednom ostvarimo istorijski uspjeh.”
